Ўзбекистон Республикаси Ҳуқуқни муҳофаза қилиш академияси ходимлари “Жиноий-ҳуқуқий сиёсат ва давлат бошқаруви: муаммолар, ислоҳотлар ва истиқболлар” мавзусида ўтказилган республика илмий-амалий конференциясида иштирок этдилар.
Мазкур конференция Ўзбекистон Республикаси Жамоат хавфсизлиги университети томонидан университет профессори, юридик фанлар доктори Ахраров Бахрам Жаббаровичнинг 70 ёшлик юбилейи муносабати билан ташкил этилди.
Конференция доирасида Академия вакиллари маъруза билан иштирок этиб, қонунчиликни такомиллаштириш ҳамда ҳуқуқни қўллаш амалиёти самарадорлигини оширишнинг долзарб йўналишлари ва илмий асосланган ечимларини ёритдилар.
Хусусан, маърузаларда Ўзбекистон Республикаси Президентининг 2026 йил 5 январдаги ПҚ-1-сон ва ПҚ-2-сон қарорларида белгиланган вазифалар доирасида жиноятчиликнинг барвақт профилактикаси самарадорлигини ошириш, тергов сифатини тубдан яхшилаш масалаларига алоҳида эътибор қаратилди.
Тадбир якунида юридик фанлар доктори, профессор Ахраров Бахрам Жаббарович ҳуқуқни муҳофаза қилиш соҳасида кадрлар тайёрлаш, илмий ва таълим фаолиятини ривожлантиришга қўшган муносиб ҳиссаси учун Бош прокуратура ва Академия жамоаси номидан самимий табрикланиб, эсдалик совғалари билан тақдирланди.