Ўзбекистон Республикаси Ҳуқуқни муҳофаза қилиш академияси томонидан мамлакатимизда амалга оширилаётган ҳуқуқий ислоҳотлар мазмун-моҳиятини тушунтиришга қаратилган чора-тадбирлар доирасида вояга етмаганлар учун жазони ижро этиш муассасасида сайёр дарслар ташкил этилди.
Тадбирдан асосий мақсад иштирокчиларнинг ҳуқуқий маърифати ва ҳуқуқий маданиятини юксалтириш, уларнинг ҳуқуқий билимларини мустаҳкамлаш ҳамда ижтимоий мослашув жараёнларини қўллаб-қувватлашдан иборат бўлди.
Сайёр дарслар давомида суд-ҳуқуқ ислоҳотлари, инсон ҳуқуқ ва эркинликларини таъминлашга қаратилган чора-тадбирлар, шунингдек, вояга етмаганлар ҳуқуқларини ҳимоя қилиш механизмлари юзасидан тушунтиришлар берилди.
Дарслар интерактив мулоқот шаклида ташкил этилди ва иштирокчиларда қонунга ҳурмат, ҳуқуқий онг ва онгли ҳаётий позицияни шакллантиришга қаратилди.