Академия томонидан Касбий таълимни ривожлантириш институтида касбий таълим тизими ходимларида коррупцияга нисбатан муросасиз муносабатни шакллантиришга бағишланган семинар-тренинг ўтказилди.
Тадбирда институт раҳбарияти, профессор-ўқитувчилар, ходимлар ҳамда малака ошириш ва қайта тайёрлаш курслари тингловчилари иштирок этдилар.
Тадбир давомида Академия вакили коррупциянинг олдини олишнинг замонавий ёндашувлари, академик ҳалоллик масалалари ҳамда жамиятда коррупцияга нисбатан муросасиз муносабатни шакллантиришда тизимли профилактиканинг аҳамияти юзасидан маълумотлар тақдим этди.
Алоҳида эътибор коррупцияга қарши чора-тадбирларни амалга оширишнинг амалий жиҳатлари, коррупцияга қарши муросасиз муносабатни мустаҳкамлаш ва таълим муҳитида профилактика ишлари самарадорлигини ошириш масалаларига қаратилди.
Мазкур тадбир касбий таълим тизимида антикоррупция маданиятини мустаҳкамлашга, коррупция ҳуқуқбузарликларининг олдини олиш бўйича амалий кўникмаларни ривожлантиришга ҳамда мазкур йўналишда профессионал ҳамкорликни кенгайтиришга хизмат қилади.