Ҳозирги вақтда Академия фаолиятига инсон ҳуқуқлари соҳасида янги авлод ўқув-услубий мажмуаларни яратишга экспертлик ёрдамини кўрсатиш бўйича мутахассисни вақтинчалик асосда жалб этиш зарурияти мавжуд. Мутахассис томонидан тақдим этилган ҳужжатлар маъқулланган тақдирда, у билан Академия ўртасида икки томонлама фуқаролик-ҳуқуқий шартнома имзоланади.
Мутахассиснинг вазифалари: Инсон ҳуқуқлари соҳасида янги авлод ўқув-услубий мажмуаларни яратишга экспертлик ёрдамини кўрсатиш бўйича мутахассис зиммасига қуйидаги вазифаларни бажариш юклатилади: Академия раҳбариятининг топшириғига мувофиқ, Академия бакалавриати талабалари (рус тилида таълим олувчи гуруҳлар) учун «Инсон ҳуқуқлари» ўқув фани бўйича маъруза матнлари, чизмалар, назорат саволлари, тестлар ҳамда адабиётлар рўйхатидан иборат янги авлод ўқув-услубий мажмуасини яратиш. Мазкур мажмуа қуйидаги 15 та мавзуни қамраб олиши лозим:
Инсон ҳуқуқлари тушунчаси ва тавсифи;
Инсон ҳуқуқлари бўйича халқаро стандартлар;
Инсон ҳуқуқлари бўйича халқаро механизмлар;
Инсон ҳуқуқларини ҳимоя қилиш бўйича минтақавий механизмлар;
Ўзбекистонда инсон ҳуқуқлари соҳасидаги қонунчилик;
Инсонларнинг шахсий, сиёсий, иқтисодий, ижтимоий, маданий ва экологик ҳуқуқлари;
Инсон ва ҳуқуқлари, эркинликлари, бурчлари ва уларнинг кафолатлари;
Ногиронлиги бўлган шахслар ҳуқуқлари;
Бола ҳуқуқлари;
Аёллар ҳуқуқлари;
Маҳкумлар ҳуқуқлари;
Мигрантлар ҳуқуқлари;
Инсон ҳуқуқлари бўйича миллий институтлар;
Ҳуқуқни муҳофаза қилувчи органлар ходимининг инсон ҳуқуқлари маданияти;
Ўзбекистон Республикасининг жиноят-ижроия қонунчилиги ва инсон ҳуқуқларини таъминлаш.
Номзодга қўйиладиган талаблар:
юридик фанлар бўйича илмий даража ва илмий унвонга эга бўлиш;
инсон ҳуқуқларини ҳимоя қилиш соҳасида камида ўн йиллик иш тажрибасига эга бўлиш;
ўзбек, инглиз ва рус тилларини мукаммал билиш;
инсон ҳуқуқлари бўйича миллий ва халқаро стандартларни, ўқув дастурлари ишлаб чиқиш методологиясини ҳамда замонавий педагогик усулларни яхши билиши ва қўллай олиши;
ўқув-услубий мажмуаларни тайёрлай олиши ва материалларни тушунарли шаклда баён қилиш қобилиятига эга бўлиши;
замонавий рақамли воситалардан, жумладан MS Office дастурлари ва онлайн таълим платформаларидан самарали фойдалана олиши;
таҳлилий фикрлаш, жамоада ишлаш, самарали мулоқот қилиш, масъулиятли бўлиш ва ижодкорлик каби шахсий сифатларга эга бўлиши.
Ишни бажариш муддати: 3 ой.
Иш тартиби: аралаш (оффлайн/онлайн).
Тўлов миқдори: бажарилган иш учун меҳнатга ҳақ тўлаш миқдори томонларнинг ўзаро келишувига мувофиқ белгиланади ва талабгорга бажарилган иш натижаларига кўра тўлаб берилади.
Ҳужжатларни тақдим этиш тартиби: лалабгор Академия Халқаро ҳуқуқ ва инсон ҳуқуқларини ҳимоя қилиш кафедрасига фуқаролик паспорти ёки ID-картаси билан шахсан мурожаат қилиб, шахсини тасдиқловчи ҳужжат, объективка, олий маълумот тўғрисидаги ҳужжат (диплом ва унинг иловаси), сертификатлар нусхалари, меҳнат дафтарчаси кўчирмаси, СТИР ҳамда ПИНФЛ маълумотномасини тақдим этиши лозим. Тақдим этилган ҳужжатлар ўрганиб чиқилганидан сўнг, заруратга кўра номзод билан комиссия таркибида суҳбат ўтказилади.
Ҳужжатлар 2026 йил 11 апрель кунига қадар (шу куни ҳам) қабул қилинади.
Манзил: Тошкент шаҳри, Юнусобод тумани, Рихсили кўчаси, 9-уй (мўлжал: собиқ «Зенит» заводи).
Ҳужжатлар душанба-жума кунлари соат 10:00 дан 17:00 гача қабул қилинади.
Мурожаат учун телефон: 71-202-04-96 (1749).