Тошкент шаҳри Юнусобод туманида мамлакатимизда ўтказиб келинаётган “Ёшлар куни” доирасида ҳуқуқни муҳофаза қилиш органлари раҳбарияти иштирокида ёшлар билан очиқ мулоқот ўтказилди.
Учрашув тўғридан-тўғри мулоқот шаклида ташкил этилиб, унда ёшларни қизиқтираётган долзарб масалалар, таклиф ва ташаббуслар муҳокама қилинди.
Тадбир давомида ёшлар билан ишлаш, уларнинг ҳуқуқий саводхонлигини ошириш ҳамда ҳуқуқни муҳофаза қилувчи органлар фаолиятини тушунтириш масалаларига алоҳида эътибор қаратилди.
Шунингдек, учрашув доирасида Ҳуқуқни муҳофаза қилиш академиясининг “Қалқон” жамоаси аъзолари ҳуқуқбузарликларни барвақт олдини олишдаги фаол иштироки ва амалий ёрдами учун ташаккурнома ва эсдалик совғалари билан тақдирландилар.
Мазкур тадбир ёшлар билан очиқ мулоқотни кучайтириш, уларнинг муаммоларини ўрганиш ва давлат органлари билан ҳамкорликни мустаҳкамлашга хизмат қилди.