Ўзбекистон Республикаси Ҳуқуқни муҳофаза қилиш академиясида Наврўз байрами муносабати билан талабалар фестивали якунланди.
Дастур доирасида ҳарбий-спорт эстафетаси, арқон тортиш, гиря кўтариш, армрестлинг, стол тенниси, камондан ўқ отиш ва миллий либослар танлови ташкил этилди. 1–3 курс талабалари жамоавий ва якка тартибдаги беллашувларда иштирок этиб, юқори жисмоний тайёргарлик, чидамлилик ва жамоавийликни намоён этдилар.
Фестиваль доирасида миллий либослар танлови ҳам ўтказилиб, иштирокчилар миллий маданият ва анъаналарни акс эттирувчи либосларни намойиш этдилар.
Шунингдек, сумалак тайёрлаш, талабалар ўртасида ош танлови ҳамда “Анъана, урф-одат ва қадриятлар” мавзусида бадиий ўқиш танлови ташкил этилди.
Мусобақа ва танлов ғолиблари эсдалик совғалар билан тақдирланди.
Тадбир миллий қадриятларга ҳурматни мустаҳкамлаш ва талабалар ўртасида бирдамлик муҳитини шакллантиришга хизмат қилди.