Олмазор туманида “Ёшлар куни” доирасида Ўзбекистон Республикаси Ҳуқуқни муҳофаза қилиш академияси томонидан Ислом Каримов номидаги Тошкент давлат техника университети талабалари билан очиқ мулоқот ўтказилди.
Тадбир тўғридан-тўғри мулоқот шаклида ташкил этилди. Унда “Киберхавфсизлик: замонавий таҳдидлар ва уларнинг олдини олиш” ҳамда “Гиёҳвандлик – умр заволи” мавзулари муҳокама қилинди.
Талаба-ёшларнинг ҳуқуқий саводхонлигини ошириш, уларни замонавий кибертаҳдидлардан ҳимоя қилиш, шунингдек гиёҳвандликнинг олдини олиш ва унинг салбий оқибатларидан асраш масалаларига алоҳида эътибор қаратилди.
Мазкур учрашув ёшлар билан очиқ мулоқотни мустаҳкамлаш, уларнинг ҳуқуқий билимларини ошириш ва шахсий ҳамда жамоат хавфсизлигига масъулиятли муносабатни шакллантиришга хизмат қилди.