«Эл-юрт умиди» жамғармаси билан ҳамкорлик тўғрисида Меморандум имзоланди

2019 йил 12 январь куни Бош прокуратура Академияси ҳамда Ўзбекистон Республикаси Вазирлар Маҳкамаси ҳузуридаги Мутахассисларни хорижда тайёрлаш ва ватандошлар билан мулоқот қилиш бўйича «Эл-юрт умиди» жамғармаси ўртасида ҳамкорлик тўғрисида Меморандум имзоланди.

Тадбир доирасида тарафлар замонавий юқори малакали кадрларни тайёрлаш бўйича ҳамкорликнинг истиқболларини муҳокама қилдилар.

Томонлар Академиянинг педагог, илмий ходимлар ва тингловчиларини хорижий мамлакатлар таълим ва илмий муассасаларида магистратура ва докторантура дастурлари бўйича таълим олиши, малака ошириш ва стажировка ўташини ташкил этиш, Академиянинг ўқитиш жараёнига хорижий мутахассисларни жалб қилиш, қимматли илмий ва амалий тажриба ҳамда салоҳиятга эга ватандошларимиз билан алоқалар ўрнатиш масалаларида ҳамкорликни йўлга қўйиш истагини билдирдилар.