Академияда прокуратура органлари амалиётига интеграция қилинган ўқув жараёни доирасида Ихтисослаштирилган прокурорлар корпусининг туман (шаҳар) прокурорлари ва уларга тенглаштирилган прокурорлар ёрдамчилари ҳамда вилоят прокуратуралари маҳкама ходимлари учун малака ошириш курси якунланди.
Курс “Судларда жиноят ишлари кўрилишида давлат айбловини қўллаб-қувватлаш ҳамда суд қарорлари ижросини таъминлашда прокуратура органларининг роли” мавзусига бағишланди.
Ўқув жараёнида давлат айбловини қўллаб-қувватлашнинг амалий жиҳатлари, суд қарорлари ижросини таъминлаш механизмлари, шунингдек ҳуқуқни қўллаш амалиётида ягона ёндашувларни шакллантириш масалалари чуқур таҳлил қилинди.
Шу билан бирга, амалиётда учраётган муаммолар таҳлил қилиниб, уларни ҳал этиш бўйича аниқ тавсиялар ишлаб чиқилди, иштирокчиларга амалий тушунтиришлар берилди.
Курс якунида тингловчиларнинг билим ва кўникмалари баҳоланди, жумладан улар томонидан амалиётдаги муаммолар таҳлили асосида қонун ҳужжатларини такомиллаштиришга қаратилган таклифлар кўриб чиқилди.