Ҳуқуқни муҳофаза қилиш академиясида талаба ва тингловчилар иштирокида Ўзбекистон Ёзувчилар уюшмаси аъзоси, юридик фанлар доктори, профессор, қатор детектив асарлар муаллифи Комил Синдоров билан маърифий учрашув ташкил этилди.
Учрашув давомида муаллиф ўзининг ҳуқуқни муҳофаза қилиш органларидаги амалий фаолияти, ижодий йўли ва ёзувчилик тажрибаси ҳақида сўз юритди. У адабий асарларда ҳаётий ҳақиқатни ифодалаш, воқеликни бадиий талқин этиш ва касбий билимларни ижод билан уйғунлаштириш масалаларига алоҳида эътибор қаратди.
Қайд этилганидек, ёзувчининг асарлари реал воқеликка асосланган мазмуни, мантиқий изчиллиги ҳамда ўзаро боғлиқ сюжет линияси билан ажралиб туради. Ушбу асарлар бугунги кунда ўз ўқувчилар аудиториясига эга бўлган яхлит адабий туркум сифатида шаклланган.
Тадбир доирасида тингловчиларда китобхонлик маданиятини юксалтириш, таҳлилий фикрлаш кўникмаларини ривожлантириш, шунингдек, келгусида тергов фаолиятида зарур бўладиган касбий компетенциялар ва амалий кўникмаларни мустаҳкамлашга алоҳида эътибор қаратилди.