Тўлов интизомини мустаҳкамлаш мавзусида семинар ўтказилди

Бош прокуратура Академиясида жорий йилнинг 17 январь куни электр энергияси ва табиий газ етказиб бериш ҳамда истеъмол қилиш соҳасида тўлов интизомини янада мустаҳкамлаш бўйича қонунчилик ижроси бўйича  семинар ўтказилди.

Мазкур тадбирда Мажбурий ижро бюроси марказий маҳкамаси ва ҳудудий бошқармаларининг ходимлари, “Ўзтрансгаз” АЖ раҳбарияти ва ҳудудий филиалларининг масъул ходимлари, “Ўзбекэнерго” АЖнинг “Энергосотиш” филиали, шунингдек ҳудудий филиалларининг ходимлари иштирок этдилар.

Семинарда энергия ресурслари, сув таъминоти ва сув чиқариш соҳасида қонунийликни таъминлаш бўйича амалга оширилган ишлар таҳлил қилиниб, соҳага оид қабул қилинган меъёрий-ҳуқуқий ҳужжатларни амалиётда қўллашга доир мавжуд муаммо ва камчиликларни бартараф этишга қаратилган масалалар атрофлича муҳокама этилди.

Тадбирда Ўзбекистон Республикаси Президентининг 22.11.2018 йилдаги “Қаттиқ маиший чиқиндиларни тўплаш ва олиб чиқиш учун тўловларни тўлаш тизимини тубдан такомиллаштириш чора-тадбирлари тўғрисида”ги ПФ–5580-сонли Фармони ижросини тўлиқ ва сифатли ташкил этиш бўйича батафсил тушунтиришлар берилди.