Ўзбекистон Республикасининг Жиноят кодекси лойиҳасини тайёрлаш бўйича мутахассислар гуруҳининг кўчма ишчи сессияси

2019 йилнинг 15 январь куни Ўзбекистон Республикасининг Жиноят кодекси лойиҳасини тайёрлаш бўйича Бош прокуратура Академияси рахбарлигидаги халқаро ва миллий экспертлар ишчи гуруҳининг 6-кунлик сайёр сессияси Тошкент вилояти Бўстонлиқ туманида ўз ишини бошлади.

Тадбир БМТнинг Марказий Осиёда гиёҳванд моддалар ва жиноятчилик бўйича ҳудудий бошқармаси ҳамда “Региональный диалог” ХННТ (Словения) кўмагида ўтказилмоқда.

Тадбирда Бош прокуратура, Судьялар олий кенгаши, Ички ишлар вазирлиги, адвокатлар Палатаси, Судьялар олий кенгаши ҳузуридаги Одил судлов муаммоларини ўрганиш тадқиқот маркази, Олий Мажлис ҳузуридаги қонунчилик муаммолари ва Парламент тадқиқотлари институти, Тошкент давлат юридик университети, ИИВ Академияси вакиллари иштирок этмоқдалар.

Халқаро экспертлар сифатида БМТнинг Марказий Осиёда гиёҳванд моддалар ва жиноятчилик бўйича ҳудудий бошқармасининг жиноий судлов Дастури халқаро менежери Кун Маркверинг, “Региональный диалог” ХННТнинг ҳуқуқ бўйича эксперти Горан Клеменчич (2018 йилга қадар Словения адлия вазири лавозимида ишлаган), “Региональный диалог” ХННТ дастури менежери Матиц Зупан, Кемерово давлат университети профессори, ю.ф.д. Максим Гета ва “Киев-Могилянск академияси” Миллий университетининг кафедра профессори ю.ф.д. Николай Хавронюклар қатнашиб келмоқда.

Иштирокчилар томонидан хорижий давлатлар илғор тажрибаси ва халқаро стандартлар асосида янги таҳрирдаги Жиноят кодекси лойиҳасининг умумий тузилиши ишлаб чиқилиб, Умумий қисм лойиҳаси тайёрланмоқда.