Ҳуқуқни муҳофаза қилиш академияси магистратура тингловчилари 13-сон жазони ижро этиш муассасасига ташриф буюрдилар.
Ташриф давомида улар маҳкумларнинг жазо ўташ шароитлари, муассасанинг фаолияти ва ички тартиб-қоидалари, шунингдек маҳкумларни қайта ижтимоийлаштиришга қаратилган чора-тадбирлар билан танишдилар.
Мазкур ташриф амалиётга йўналтирилган таълимни таъминлаш, тингловчиларда жазони ижро этиш тизими фаолияти ҳақида яхлит тасаввурни шакллантириш ҳамда келгуси касбий фаолият учун зарур амалий билимларни мустаҳкамлашга хизмат қилди.