2026 йил 5 май куни соат 10:00 да Ўзбекистон Республикаси Ҳуқуқни муҳофаза қилиш академиясида анъанавий тарзда ўтказиб келинаётган «Юридик фан ва ҳуқуқни қўллаш амалиётининг долзарб масалалари» мавзусида республика илмий-амалий конференцияси бўлиб ўтади.
Мазкур конференцияда Олий таълим, фан ва инновациялар вазирлиги ҳузуридаги Инновацион ривожланиш агентлиги, Тошкент давлат юридик университети, Ўзбекистон Республикаси Одил судлов академияси, Инсон ҳуқуқлари бўйича Ўзбекистон Республикаси Миллий маркази, Ички ишлар вазирлиги академияси, Жамоат хавфсизлиги университети, Ўзбекистон Республикаси Адлия вазирлиги ҳузуридаги Юридик кадрларни қайта тайёрлаш ва малакасини ошириш институти, Ўзбекистон Республикаси Фанлар академияси Давлат ва ҳуқуқ институти ҳамда бошқа юридик таълим муассасаларининг профессор-ўқитувчилари ва ёш олимлари иштирок этиши кутилмоқда.
Тадбир Академиянинг Юнусобод туманида жойлашган ўқув биносида ўтказилади.
Конференция якунига кўра илмий мақолалар ва тезислар тўпламини нашр этиш режалаштирилган.
Мақола ва тезисларга қўйиладиган талаблар билан қуйидаги ҳавола орқали танишиш мумкин: (ҳавола).