Ўзбекистон Республикаси Ҳуқуқни муҳофаза қилиш академиясида кутубхона фондини замонавий хорижий илмий адабиётлар билан бойитиш бўйича изчил ишлар амалга оширилмоқда.
Таълим жараёни ва илмий тадқиқотларни долзарб адабиётлар билан таъминлаш мақсадида кутубхона фонди коррупцияга қарши курашиш, криминология, криминалистика ва тезкор-қидирув фаолияти йўналишлари бўйича янги хорижий нашрлар билан тўлдирилди.
Мазкур адабиётлар мутахассислар тайёрлаш сифатини оширишга, илмий тадқиқот фаолиятини ривожлантиришга ҳамда талабалар ва профессор-ўқитувчиларнинг замонавий билимлар ва халқаро тажрибадан фойдаланиш имкониятларини кенгайтиришга хизмат қилади.
Амалга оширилаётган ишлар Академияда таълим муҳитини янада такомиллаштириш ва кадрлар тайёрлашда илғор ёндашувларни жорий этишга хизмат қилади.