Ўзбекистон Республикаси Ҳуқуқни муҳофаза қилиш академияси Кенгашининг 2026 йилдаги 4-сонли мажлиси бўлиб ўтди.
Мажлисда Академия фаолиятининг устувор йўналишлари доирасида бир қатор муҳим масалалар кўриб чиқилди.
Хусусан, ходимларни аттестациядан ўтказиш натижалари муҳокама қилиниб, айрим ходимлар фаолияти қўшимча баҳоланди ҳамда уларга шахсий устамалар белгилаш бўйича қарорлар қабул қилинди.
Шунингдек, Академиянинг олий таълимдан кейинги таълим институтига кирувчилар учун юридик фанлар бўйича ихтисослик дастурлари тасдиқланди. Мазкур дастурлар илмий салоҳиятни ривожлантириш, мутахассислар тайёрлаш сифатини оширишга хизмат қилади.
Мажлисда профессор-ўқитувчилар ва мустақил изланувчилар томонидан тайёрланган монографиялар ҳамда илмий тадқиқот натижаларини нашрга тавсия этиш масалалари ҳам кўриб чиқилди. Шу билан бирга, бир қатор ходимларни илмий унвонларга тавсия этиш юзасидан қарорлар қабул қилинди.
Кун тартибидаги бошқа масалалар бўйича ҳам тегишли қарорлар қабул қилиниб, Академия фаолиятининг барқарор ривожланишини таъминлашга қаратилган устувор вазифалар белгилаб олинди.