Ўзбекистон Республикаси Президенти Администрацияси ҳузуридаги Таълим сифатини таъминлаш миллий агентлиги томонидан давлат аккредитацияси жараёнларига жалб этиладиган экспертларни тайёрлашга қаратилган амалий семинар ташкил этилди.
Мазкур семинарда Ўзбекистон Республикаси Ҳуқуқни муҳофаза қилиш академиясининг Электрон таълим бўлими бошлиғи А.Ибраймов иштирок этди.
Семинар давомида таълим ташкилотларини давлат аккредитациясидан ўтказишнинг норматив-ҳуқуқий асослари, баҳолаш мезонлари, экспертлик фаолиятини амалга ошириш тартиби ҳамда ушбу йўналишдаги долзарб масалалар атрофлича муҳокама қилинди.
Семинар якунларига кўра, А.Ибраймовга таълим ташкилотларини давлат аккредитациясидан ўтказиш жараёнларида эксперт сифатида иштирок этиш ҳуқуқини берувчи сертификат топширилди.