Ҳуқуқни муҳофаза қилиш академиясида ёнғин хавфсизлигини таъминлаш, фавқулодда вазиятларнинг олдини олиш ҳамда таълим жараёни иштирокчиларининг бу борадаги амалий кўникмаларини мустаҳкамлаш мақсадида Юнусобод тумани Фавқулодда вазиятлар бошқармаси билан ҳамкорликда амалий-профилактик тадбир ташкил этилди.
Тадбир давомида мутахассислар томонидан ёнғин хавфсизлиги қоидаларига қатъий риоя этиш, ёнғин келиб чиқишининг олдини олиш, хавфли вазиятларда тўғри ва тезкор ҳаракат қилиш, бирламчи ёнғин ўчириш воситаларидан самарали фойдаланиш ҳамда эвакуация тартибига амал қилиш бўйича батафсил тушунтиришлар берилди.
Шунингдек, талабалар иштирокида шартли ёнғин ҳолати моделлаштирилиб, эвакуация чизмаси асосида ҳаракатланиш, хавфсиз ҳудудга чиқиш ҳамда тегишли хизматларга ўз вақтида хабар бериш тартиби амалий тарзда намойиш этилди.
Мазкур тадбир талабаларнинг ёнғин хавфсизлиги соҳасидаги билим ва кўникмаларини мустаҳкамлаш, фавқулодда вазиятларда тўғри қарор қабул қилиш қобилиятини ошириш ҳамда Академияда хавфсиз таълим муҳитини таъминлашга хизмат қилади.