СПбПУнинг Юриспруденция ва суд-техник экспертизаси Олий мактаби раҳбариятининг ташрифи

Ўзбекистон Республикаси Бош прокуратураси Академиясида “Буюк Пётр номидаги Санкт-Петербург политехника университети” Федерал давлат автоном олий таълим муассасасининг Юриспруденция ва суд-техник экспертизаси Олий мактаби директори Д.А.Мохоров бошчилигидаги вакиллар билан учрашув бўлиб ўтди.

Учрашув давомида иштирокчилар биргаликда илмий нашрлар тайёрлаш, конференциялар, семинарлар ва тадқиқотлар ўтказиш ҳамда ўқитувчиларнинг стажировкаларини ташкил этиш соҳасида ҳамкорлик ўрнатиш истиқболлари ва имкониятларини муҳокама қилдилар.

Прокуратура органлари ҳодимларини касбий тайёрлаш тизимига инновацион методлар ва технологияларни тадбиқ этиш ва “ProАcademy” ахборот-таълим порталини жорий қилиш бўйича эришилган ютуқлар меҳмонларда алоҳида қизиқиш уйғотди.

Учрашув якунида Бош прокуратура Академияси ҳамда Юриспруденция ва суд-техник экспертизаси Олий мактаби ўртасида ўзаро келишув Меморандумини имзолаш масаласини ишлаб чиқишга келишиб олинди.