“Бўлажак прокурорлар клуби” аъзоларини ўқитиш ташкил этилди

2018 йил 19 январдан бошлаб Бош прокуратура Академиясида “Бўлажак прокурорлар клуби” аъзолари учун биринчи маротаба “Прокуратура органлари фаолиятининг асослари” мавзусида ўқув курслари ташкил этилди.

Мазкур курслар ҳар ҳафтада бир марта жорий йилнинг июнь ойига қадар давом этади. Курс дастури тўртта ўқув блокларини ўз ичига олган бўлиб, унда прокуратура органлари фаолиятини ташкиллаштириш, қонунлар ижроси устидан назорат, ҳуқуқбузарликлар профилактикаси ва жиноятчиликка қарши курашиш, судларда прокурор ваколатини таъминлаш йўналишлари бўйича бошланғич кўникмаларни шакллантириш кўзда тутилган.

Прокуратура органлари фаолиятининг умумий асосларини ўрганишга йўналтирилган ушбу курслар давомида муаммоли маърузалар, вазиятли тренинглар, гуруҳ лойиҳалари, кейс, дебат каби интерфаол ўқитиш шакллари ва методларидан фойдаланилади.

Ўқув курслари якунида тингловчиларга тегишли намунадаги сертификатлар берилади.