Ҳуқуқни муҳофаза қилиш академиясида ҳуқуқни муҳофаза қилувчи органлар учун тергов-суриштирув соҳасида зарур назарий билим ва амалий кўникмаларга эга рақобатбардош кадрларни тайёрлашга қаратилган тизимли ишлар амалга оширилмоқда.
Мазкур жараёнда талабаларни келгуси хизмат фаолиятига ҳар томонлама тайёрлаш, уларнинг касбий, амалий ва хизматга оид кўникмаларини мустаҳкамлашга алоҳида эътибор қаратилмоқда.
Шу мақсадда Академия бакалавриатининг 3-курс «Тергов фаолияти» йўналиши талабалари учун Ички ишлар вазирлигининг Тошкент минтақавий ўқув марказида ҳарбий фанлар доирасида амалий машғулотлар ташкил этилди.
Машғулотлар давомида талабалар гуруҳлар кесимида Тошкент минтақавий ўқув марказининг электрон лазерли тирида отиш машқларини бажарди, шунингдек махсус ва алоқа воситаларидан фойдаланиш бўйича амалий кўникмаларини мустаҳкамлади.
Бундай машғулотлар таълим жараёнини амалиёт билан узвий боғлаш, талабаларда хизмат фаолияти учун зарур бўлган интизом, тезкор фикрлаш ва амалий ҳаракат кўникмаларини шакллантиришга хизмат қилади.