Ўзбекистон Республикаси Ҳуқуқни муҳофаза қилиш академияси томонидан Мажбурий ижро бюроси ходимлари учун “Суд ва бошқа органлар ҳужжатларини ижро этишнинг долзарб масалалари” мавзусида масофавий малака ошириш курслари ташкил этилмоқда.
Курслар portal.proacademy.uz масофавий таълим портали орқали ўтказилиб, жорий йил бошидан буён уларга 2400 нафардан ортиқ Бюро ходимлари жалб қилинди.
Машғулотлар Академия профессор-ўқитувчилари томонидан прокурорлик ва ижро иши юритуви амалиётига оид долзарб масалалар бўйича ишлаб чиқилган электрон слайдлар, казуслар, ёзма ишлар ва бошқа ўқув материаллари асосида олиб борилмоқда.
Ўқув дастури Бюро ходимларининг Ахлоқ кодекси қоидаларини чуқур ўзлаштириши, психология ва вақтни бошқариш кўникмаларини ривожлантириши, ахборот тизимлари ва дастурий комплекслар билан ишлаш, ижро ҳаракатлари бўйича сифатли процессуал ҳужжатлар тайёрлаш ҳамда хизмат фаолиятидаги конфликтли ҳолатларни ҳал этишга оид касбий компетенцияларини мустаҳкамлашга қаратилган.