Бош прокуратура Академиясида БМТнинг Болалар фонди (ЮНИСЕФ) вакиллари билан учрашув ташкил этилди

Жорий йилнинг 24 январь куни Бош прокуратура Академиясида БМТнинг Болалар фонди (ЮНИСЕФ) мутахассиси Сафинас Ахаева билан учрашув ташкил этилди.

Иштирокчилар қонун билан низода бўлган болалар ҳуқуқини ҳимоя қилиш, ювенал адлия институтини такомиллаштириш ва жиноят қонунчилигида вояга етмаган болаларни ҳимоя қилиш халқаро тамойиллари ва стандартларини тадбиқ этиш масалаларини мухокама қилишди.

Тадбир давомида томонлар ҳамкорликнинг истиқболли йўналишлари, Жиноят ва Жиноят-процессуал кодексларининг янги лойиҳаларида ювенал адлия масалалари устидан ишларни олиб бориш мақсадида ҳорижий экспертларни жалб қилишда кўмаклашиш масалалари бўйича фикр
ва мулоҳазалар билан алмашишди.