Ўзбекистон Республикаси Ҳуқуқни муҳофаза қилиш академиясида божхона органлари суриштирувчилари иштирокида “Божхона органларида суриштирувни ташкил этиш ва амалга ошириш масалалари” мавзусида малака ошириш курси бўлиб ўтди.
Курс дастури суриштирув ва терговга қадар текширувни ташкил этишнинг долзарб масалалари, жиноий фаолиятнинг молиявий жиҳатларини аниқлаш, тезкор-қидирув фаолияти натижаларидан жиноят процессида фойдаланиш, контрабанда жиноятларини тергов қилиш методикаси, шунингдек, Интернетнинг яширин (Darknet) ва чуқур тармоқларида содир этиладиган жиноятларни аниқлаш ва уларга қарши курашишнинг замонавий ёндашувларини қамраб олди.
Шунингдек, машғулотларда божхона органлари томонидан терговга қадар текширувни амалга ошириш амалиёти ҳамда соҳадаги бошқа муҳим масалалар юзасидан назарий ва амалий билимлар тақдим этилди.
Малака ошириш курси суриштирувчиларнинг касбий билим ва кўникмаларини мустаҳкамлаш, жиноятларни фош этиш ҳамда терговга қадар текширувни самарали ташкил этиш бўйича амалий тажрибасини бойитишга хизмат қилди.
Курс якунида тингловчилар замонавий ёндашувлар, илғор усуллар ва ахборот технологияларидан фойдаланиш бўйича зарур билим ва амалий кўникмаларга эга бўлдилар.