Ўзбекистон Республикаси Ҳуқуқни муҳофаза қилиш академиясида бакалавриатнинг “Тергов фаолияти” таълим йўналиши 3-босқич талабалари учун маънавий-маърифий учрашув ташкил этилди.
Тадбирда Ўзбекистон Республикаси Маданият вазирлиги ҳузуридаги Маданиятшунослик ва номоддий маданий мерос илмий-тадқиқот институти директори Ботиржон Эргашев иштирок этди.
Учрашув давомида ёшларда Ватанга муҳаббат ва садоқат туйғуларини мустаҳкамлаш, миллий қадриятларга ҳурмат руҳида тарбиялаш, маънавий камолотни юксалтириш ҳамда ҳуқуқий онг ва маданий савияни ривожлантириш масалалари хусусида фикр алмашилди.
Шунингдек, келажакда ҳуқуқни муҳофаза қилиш органларида фаолият юритадиган мутахассислар учун чуқур билим, юксак маънавият, касбий масъулият ва доимий ўз устида ишлаш муҳим аҳамият касб этиши таъкидланди.
Тадбир давомида талабалар ўзларини қизиқтирган саволларга жавоб олдилар ҳамда миллий меросни асраб-авайлаш, маънавий қадриятларни келгуси авлодларга етказиш борасида фикр-мулоҳазалар билдирдилар.
Бундай учрашувлар ёшларни миллий ва умуминсоний қадриятларга ҳурмат руҳида тарбиялаш, уларнинг маънавий дунёқараши ва фуқаролик позициясини мустаҳкамлашга хизмат қилмоқда.