Ўзбекистон Республикаси Ҳуқуқни муҳофаза қилиш академияси вакиллари АҚШ Адлия вазирлигининг Халқаро жиноий қидирув бўйича таълим ва кўмаклашиш дастури (ICITAP) доирасида ҳуқуқни муҳофаза қилиш органлари учун кадрлар тайёрлаш, суд-криминалистика фаолиятини ташкил этиш ҳамда замонавий технологияларни амалиётга жорий этиш соҳасидаги илғор тажрибани ўргандилар.
Ташриф давомида АҚШнинг ҳуқуқни муҳофаза қилиш тизимида ходимларни тайёрлаш ва қайта тайёрлашнинг замонавий ёндашувлари, амалий кўникмаларни шакллантириш механизмлари, шунингдек, жиноятларни фош этиш ва тергов қилишда қўлланилаётган замонавий криминалистик технологиялар билан танишилди.
Шунингдек, рақамли технологиялардан фойдаланиш, суд-криминалистика экспертизаларини ташкил этиш ва ҳуқуқни муҳофаза қилиш фаолияти самарадорлигини оширишга қаратилган инновацион ечимлар ўрганилди.
Ташриф доирасида ўтказилган учрашувларда ҳуқуқни муҳофаза қилиш соҳасида кадрлар тайёрлашни такомиллаштириш, таълим жараёнига замонавий ёндашувларни жорий этиш ҳамда халқаро ҳамкорликни ривожлантириш масалалари муҳокама қилинди.
Олинган билим ва тажриба Ҳуқуқни муҳофаза қилиш академияси таълим жараёнини янада такомиллаштириш, илмий-тадқиқот фаолиятини ривожлантириш ва ҳуқуқни муҳофаза қилиш органлари учун юқори малакали кадрлар тайёрлаш сифатини оширишга хизмат қилади.