Ўзбекистон Республикаси Ҳуқуқни муҳофаза қилиш академиясида 2026 йилнинг учинчи чораги учун мустақил изланувчиликка талабгорлар билан суҳбат ўтказилди.
Суҳбатдан олдин комиссия аъзолари томонидан мустақил изланувчиликка ҳужжат топширган талабгорларнинг йиғма жилдлари атрофлича ўрганилди. Тақдим этилган ҳужжатлар асосида талабгорларнинг илмий тадқиқот мавзуларининг долзарблиги, мустақил илмий изланиш олиб бориш салоҳияти ҳамда тадқиқотчилик кўникмалари баҳоланди.
Жами 53 нафар талабгорнинг ҳужжатлари кўриб чиқилди. Ўрганиш ва суҳбат натижаларига кўра, 41 нафар талабгор мустақил изланувчиликка қабул қилиш учун тавсия этилди.
Комиссия қарорига мувофиқ, 5 нафар талабгор суҳбат босқичига етиб келмаганлиги сабабли, яна 7 нафар талабгор эса танланган мавзуларнинг долзарблигини етарлича асослаб бермаганлиги ҳамда илмий тадқиқот ишларини олиб бориш бўйича билим ва кўникмаларини янада такомиллаштириши зарурлиги боис мустақил изланувчиликка тавсия этилмади.
Мустақил изланувчиликка қабул жараёнлари илмий ва илмий-педагогик кадрлар тайёрлаш тизимини янада такомиллаштириш, ҳуқуқшунослик соҳасида долзарб илмий тадқиқотларни қўллаб-қувватлаш ҳамда илмий салоҳиятни ривожлантиришга хизмат қилмоқда.