Ўзбекистон Республикаси Ҳуқуқни муҳофаза қилиш академияси магистратурасининг “Тергов фаолияти” мутахассислиги бўйича 2026/2027 ўқув йили учун қабул жараёнлари якунланмоқда.
Ваколатли давлат органларининг суриштирув ва тергов фаолиятини амалга оширувчи тузилмалари ҳамда прокуратура органларида камида 3 йил хизмат стажига эга, “Юриспруденция” таълим йўналиши бўйича таянч олий юридик маълумотга эга бўлган амалдаги ходимлар (ҳарбий хизматчилар) ҳужжатларни бугун – 10 июнга қадар тақдим этишлари мумкин.
Магистратуранинг “Тергов фаолияти” мутахассислиги бўйича таълим бепул асосда ташкил этилади. Ўқишга қабул қилинган ходимларнинг эгаллаб турган лавозими ва ўртача ойлик иш ҳақи ўқиш даври мобайнида сақлаб қолинади.
Ҳужжатлар Олий таълим, фан ва инновациялар вазирлиги ҳузуридаги Билим ва малакаларни баҳолаш агентлигининг my.uzbmb.uz электрон платформаси орқали қабул қилинади.
Кириш имтиҳонлари август ойида махсус психологик танлов, ёзма имтиҳон (эссе) ва чет тили бўйича тест синовлари шаклида ўтказилади.
Қўшимча маълумотлар:
71-202-04-96 (ички: 1795, 1775)