Ўзбекистон Республикаси Ҳуқуқни муҳофаза қилиш академиясида таълим ва илмий-тадқиқот жараёнини сифатли ахборот ресурслари билан таъминлашга қаратилган ишлар изчил давом эттирилмоқда.
Навбатдаги босқичда Академия кутубхонаси фонди ҳуқуқшунослик, прокурорлик фаолияти, давлат ва жамият қурилиши, миллий тараққиёт ҳамда маънавий-маърифий соҳаларга оид янги адабиётлар билан бойитилди.
Кутубхона фондига қабул қилинган нашрлар қаторида “Ўзбекистон – Учинчи Ренессанс тараққиёт концепти”, “Прокурор назорати”, “Қонунчиликка оид прокурор назорати”, “Янги Ўзбекистон Конституцияси” ҳамда “Маънавият асослари” каби китоблар ўрин олган.
Мазкур адабиётлар ҳуқуқ соҳасидаги назарий билимларни чуқурлаштириш, миллий давлатчилик ва ҳуқуқий ислоҳотларнинг мазмун-моҳиятини ўрганиш, шунингдек, тингловчилар, тадқиқотчилар ва профессор-ўқитувчиларнинг маънавий-маърифий дунёқарашини кенгайтиришга хизмат қилади.
Кутубхона фондини долзарб ўқув ва илмий манбалар билан мунтазам бойитиб бориш Академияда юқори малакали кадрлар тайёрлаш, илмий-тадқиқот фаолиятини қўллаб-қувватлаш ҳамда китобхонлик маданиятини ривожлантиришнинг муҳим омилларидан бири ҳисобланади.