O‘zbekiston Respublikasi Huquqni muhofaza qilish akademiyasida ta’lim va ilmiy-tadqiqot jarayonini sifatli axborot resurslari bilan ta’minlashga qaratilgan ishlar izchil davom ettirilmoqda.

Navbatdagi bosqichda Akademiya kutubxonasi fondi huquqshunoslik, prokurorlik faoliyati, davlat va jamiyat qurilishi, milliy taraqqiyot hamda ma’naviy-ma’rifiy sohalarga oid yangi adabiyotlar bilan boyitildi.

Kutubxona fondiga qabul qilingan nashrlar qatorida “O‘zbekiston – Uchinchi Renessans taraqqiyot konsepti”, “Prokuror nazorati”, “Qonunchilikka-oid prokuror nazorati”, “Yangi O‘zbekiston Konstitutsiyasi” hamda “Ma’naviyat asoslari” kabi kitoblar o‘rin olgan.

Mazkur adabiyotlar huquq sohasidagi nazariy bilimlarni chuqurlashtirish, milliy davlatchilik va huquqiy islohotlarning mazmun-mohiyatini o‘rganish, shuningdek, tinglovchilar, tadqiqotchilar va professor-o‘qituvchilarning ma’naviy-ma’rifiy dunyoqarashini kengaytirishga xizmat qiladi.

Kutubxona fondini dolzarb o‘quv va ilmiy manbalar bilan muntazam boyitib borish Akademiyada yuqori malakali kadrlar tayyorlash, ilmiy-tadqiqot faoliyatini qo‘llab-quvvatlash hamda kitobxonlik madaniyatini rivojlantirishning muhim omillaridan biri hisoblanadi.