Қорақалпоғистон Республикаси прокуратураси органлари ходимларининг билими ва касбий тайёргарлик ҳолатини аниқлаш

Ўзбекистон Республикаси Бош прокуратураси раҳбарияти томонидан тасдиқланган Қорақалпоғистон Республикаси прокуратураси органлари ходимларининг билими, касбий тайёргарлиги ва масъулиятини ошириш юзасидан чора-тадбирлар режасига мувофиқ, 2019 йил 25-26 январь кунлари Қорақалпоғистон Республикаси Нукус шаҳрида прокуратура органлари ходимларини масофавий таълим асосида ўқитиш якунлари ва ўқув материалларини ўзлаштирганлик даражасини аниқлаш юзасидан Бош прокуратура Академияси томонидан Кадрлар бошқармаси ва Ички хавфсизликни таъминлаш бошқармаси ҳамкорлигида ёзма имтиҳон ўтказилди.

Имтиҳон ҳуқуқий соҳаларга оид тест саволлари ва казуслар ечиш ҳамда эссе ёзиш шаклида ташкил этилиб, унда Қорақалпоғистон Республикаси прокуратура органларининг барча ходимлари иштирок этди.

Имтиҳон натижалари асосида Академия томонидан махсус ўқув курслари ташкил этилиши режалаштирилган.