Ўзбекистон Республикаси Ҳуқуқни муҳофаза қилиш академияси ва Ўзбекистон Республикаси Одил судлов академияси ўртасида ҳамкорлик тўғрисида меморандум имзоланди. Ҳужжат суд-ҳуқуқ соҳасида узоқ муддатли, самарали ва ўзаро манфаатли ҳамкорликни ривожлантириш, экспертлар ва малакали мутахассисларни жалб этган ҳолда кадрлар тайёрлаш бўйича қўшма лойиҳа ва тадбирларни ташкил этиш, шериклик муносабатларини йўлга қўйиш ҳамда таълим жараёнини зарур ахборот билан таъминлашни назарда тутади.
Меморандум доирасида ўтказилган давра суҳбатида ҳамкорликнинг амалий йўналишлари муҳокама қилинди. Хусусан, экспертлар ва малакали мутахассислар иштирокида қўшма лойиҳа ва тадбирларни ташкил этиш, кадрлар тайёрлашга қаратилган ташаббусларни амалга ошириш, шериклик алоқаларини ривожлантириш ҳамда таълим жараёнини зарур ахборот билан таъминлаш масалалари кўриб чиқилди.
Шунингдек, Ўзбекистон Республикаси Президентининг 2026 йил 8 июндаги “Судларда комплаенс назорат тизими самарадорлигини оширишнинг қўшимча чора-тадбирлари тўғрисида”ги ПФ–106-сон Фармони ижросини таъминлашга қаратилган ўзаро ҳамкорлик чора-тадбирлари муҳокама этилди.
Мазкур Фармон билан тасдиқланган “йўл харитаси”да Ҳуқуқни муҳофаза қилиш академияси иштирокида судьялар ва суд аппарати ходимларининг Коррупцияга қарши курашиш виртуал академиясида тегишли йўналишлар бўйича махсус ўқув курсларида малакасини оширишни ташкил этиш назарда тутилган.