Ўзбекистон Республикаси Ҳуқуқни муҳофаза қилиш академиясида 2026/2027 ўқув йили учун магистратурага ҳужжатлар 10 июндан 31 июлга қадар Билим ва малакаларни баҳолаш агентлигининг my.uzbmb.uz электрон платформаси орқали қабул қилинмоқда. Номзодлар қуйидаги мутахассисликлар бўйича танловда иштирок этишлари мумкин:
“Прокурорлик фаолияти” – кундузги, кечки ва масофавий таълим шакллари;
“Коррупцияга қарши курашиш”;
“Инсон ҳуқуқларига оид халқаро ҳуқуқ”;
“Киберхавфсизликни ҳуқуқий таъминлаш” – кундузги ва масофавий таълим шакллари, кундузги таълим шаклида ўзбек ва рус тилидаги гуруҳлар.
“Киберхавфсизликни ҳуқуқий таъминлаш” мутахассислиги бўйича Рақамли технологиялар вазирлиги томонидан тасдиқланган иловага киритилган нуфузли халқаро IT-сертификатга эга номзодлар “Информатика ва ахборот технологиялари” фанидан кириш имтиҳонини топширишдан озод этилади. Шунингдек, мазкур мутахассисликка ўқишга қабул қилинган тингловчиларнинг охирги эгаллаб турган лавозими бўйича белгиланган тартиб ва миқдорда меҳнатга ҳақ тўлаш фонди тўловлари (пул таъминоти) сақланади.
2026/2027 ўқув йили учун кундузги таълим шаклига 75 та, кечки таълим шаклига 10 та, масофавий таълим шаклига 60 та – жами 145 та қабул ўрни назарда тутилган.
Кундузги таълим шакли бўйича қабул параметрлари:
“Прокурорлик фаолияти” – 14 та ўрин: 5 таси давлат гранти, 9 таси тўлов-контракт асосида;
“Коррупцияга қарши курашиш” – 14 та ўрин: 5 таси давлат гранти, 9 таси тўлов-контракт асосида;
“Инсон ҳуқуқларига оид халқаро ҳуқуқ” – 14 та ўрин: 5 таси давлат гранти, 9 таси тўлов-контракт асосида;
“Киберхавфсизликни ҳуқуқий таъминлаш” – 33 та ўрин: 10 таси давлат гранти, 23 таси тўлов-контракт асосида.
Кундузги таълим шакли бўйича прокуратура органлари ходимлари учун давлат гранти асосида жами 20 та ўрин ажратилган бўлиб, ҳар бир мутахассислик ҳамда рус тилидаги гуруҳ учун 4 тадан ўрин белгиланган.
Очиқ танлов асосида ташқи номзодлар учун давлат гранти бўйича жами 5 та ўрин – ҳар бир мутахассислик ҳамда рус тилидаги гуруҳ учун 1 тадан ўрин ажратилган. Тўлов-контракт асосида эса жами 40 та ўрин назарда тутилган бўлиб, ҳар бир мутахассислик учун 9 тадан ва рус тилидаги гуруҳ учун 4 та ўрин белгиланган.
“Киберхавфсизликни ҳуқуқий таъминлаш” мутахассислиги бўйича кундузги таълим шакли учун ажратилган 33 та ўриннинг 10 таси давлат гранти, 23 таси тўлов-контракт асосидадир. Шундан прокуратура органлари ходимлари учун давлат гранти асосида 8 та, ташқи номзодлар учун давлат гранти асосида 2 та, ташқи номзодлар учун тўлов-контракт асосида 13 та ҳамда ваколатли давлат органлари ходимлари учун тўлов-контракт асосида 10 та ўрин назарда тутилган.
“Прокурорлик фаолияти” мутахассислиги бўйича кечки таълим шакли учун тўлов-контракт асосида жами 10 та ўрин ажратилган. Ушбу ўринлар очиқ танлов асосида ташқи номзодлар учун назарда тутилган.
“Прокурорлик фаолияти” мутахассислиги бўйича масофавий таълим шакли учун тўлов-контракт асосида жами 30 та ўрин ажратилган. Шундан прокуратура органлари ходимлари, ташқи номзодлар ва ваколатли давлат органлари ходимлари учун 10 тадан ўрин белгиланган.
“Киберхавфсизликни ҳуқуқий таъминлаш” мутахассислиги бўйича масофавий таълим шакли учун тўлов-контракт асосида жами 30 та ўрин ажратилган. Шундан прокуратура органлари ходимлари учун 5 та, ташқи номзодлар учун 10 та ҳамда ваколатли давлат органлари ходимлари учун 15 та ўрин назарда тутилган.
Очиқ танлов асосида давлат гранти бўйича қабул қилинган тингловчиларга қонунчиликда белгиланган тартиб ва миқдорда ҳар ойлик стипендия тўланади.
Танловлар август ойида ўтказилади.
Ўзбекистон Республикаси Ҳуқуқни муҳофаза қилиш академияси магистратурасига қабул қилиш ва ўқитишни ташкил этиш тартиби тўғрисидаги низом билан Lex.uz орқали танишиш мумкин.
Қабул жараёни ва кириш имтиҳонларига оид янгиликлар Академиянинг расмий веб-сайти – proacademy.uz, шунингдек, расмий саҳифалари орқали эълон қилиб борилади:
Facebook · Instagram · Telegram · X · YouTube
Қўшимча маълумот учун: 71-202-04-96 (ички: 1795 ва 1716)