Қорақалпоғистон Республикаси прокуратураси терговчиларини ўқитиш ташкил этилди

2019 йил 26 январь куни Нукус шаҳрида Бош прокуратура Академияси профессор-ўқитувчилари томонидан Қорақалпоғистон Республикаси прокуратураси терговчилари учун “Прокуратура органлари фаолиятининг айрим масалалари” мавзусида ўқув машғулотлари ташкил этилди. Шунингдек, ушбу тадбирга Бердах номидаги Қорақалпоғистон давлат университетининг юридик факультети талабаларидан ташкил топган “Бўлажак прокурорлар клуби” аъзолари жалб қилинди.

Мазкур машғулотлар прокуратура органлари фаолиятини ташкиллаштириш, терговга қадар текширувни амалга ошириш давомида юзага келадиган муаммолар ва уларни бартараф қилиш каби масалаларни ўрганишга қаратилди.

Ушбу машғулотлар давомида муаммоли маъруза, имитация, кейс-стади каби интерфаол ўқитиш методларидан фойдаланилди.

Ўқув машғулотлари якунида Академия ходимлари терговчилар ва “Бўлажак прокурорлар клуби” аъзоларини қизиқтирган саволларига жавоб беришди.