Ўзбекистон Республикаси Ҳуқуқни муҳофаза қилиш академияси Times Higher Education Sustainability Impact Ratings 2026 халқаро рейтингининг умумий натижаларида 801–1000-ўринлар оралиғидан жой олди.
Мазкур рейтинг олий таълим муассасаларининг БМТнинг 17 та Барқарор ривожланиш мақсадларига эришишга қўшаётган ҳиссасини баҳолайди. Бунда таълим, илмий-тадқиқот, бошқарув ва ижтимоий аҳамиятга эга фаолиятга оид тақдим этилган маълумотлар ҳамда амалиётлар инобатга олинади.
Академия БМТнинг олтита Барқарор ривожланиш мақсади бўйича энг юқори натижани қайд этиб, 401–600-ўринлар оралиғидан жой олди:
«Муносиб меҳнат ва иқтисодий ўсиш»;
«Саноатлаштириш, инновациялар ва инфратузилма»;
«Тенгсизликни қисқартириш»;
«Иқлим ўзгаришига қарши курашиш»;
«Қуруқликдаги экотизимларни асраш»;
«Тинчлик, адолат ва самарали институтлар».
Шунингдек, Академия қуйидаги йўналишлар бўйича 601–800-ўринлар оралиғидан ўрин эгаллади:
«Камбағалликни тугатиш»;
«Сифатли таълим»;
«Ҳамёнбоп ва тоза энергия»;
«Барқарор шаҳарлар ва аҳоли пунктлари».
Ушбу натижа Ўзбекистон Республикаси Ҳуқуқни муҳофаза қилиш академиясининг БМТ Барқарор ривожланиш мақсадларига эришишга қўшилаётган ҳиссани баҳоловчи халқаро тизимда иштирок этаётганини кўрсатади.