O‘zbekiston Respublikasi Huquqni muhofaza qilish akademiyasi-Times Higher Education Sustainability Impact Ratings 2026 xalqaro reytingining umumiy natijalarida 801–1000-o‘rinlar oralig‘idan joy oldi.
Mazkur reyting oliy ta’lim muassasalarining BMTning 17 ta Barqaror rivojlanish maqsadlariga erishishga qo‘shayotgan hissasini baholaydi. Bunda ta’lim, ilmiy-tadqiqot, boshqaruv va ijtimoiy ahamiyatga ega faoliyatga oid taqdim etilgan ma’lumotlar hamda amaliyotlar inobatga olinadi.
Akademiya BMTning oltita Barqaror rivojlanish maqsadi bo‘yicha eng yuqori natijani qayd etib, 401–600-o‘rinlar oralig‘idan joy oldi:
«Munosib mehnat va iqtisodiy o‘sish»;
«Sanoatlashtirish, innovatsiyalar va infratuzilma»;
«Tengsizlikni qisqartirish»;
«Iqlim o‘zgarishiga qarshi kurashish»;
«Quruqlikdagi ekotizimlarni asrash»;
«Tinchlik, adolat va samarali institutlar».
Shuningdek, Akademiya quyidagi yo‘nalishlar bo‘yicha 601–800-o‘rinlar oralig‘idan o‘rin egalladi:
«Kambag‘allikni tugatish»;
«Sifatli ta’lim»;
«Hamyonbop va toza energiya»;
«Barqaror shaharlar va aholi punktlari».
Ushbu natija O‘zbekiston Respublikasi Huquqni muhofaza qilish akademiyasining BMT Barqaror rivojlanish maqsadlariga erishishga qo‘shilayotgan hissani baholovchi xalqaro tizimda ishtirok etayotganini ko‘rsatadi.