Мулоқотда меҳмонга Академиянинг ҳуқуқни муҳофаза қилиш соҳаси учун замонавий кадрлар тайёрлаш, илмий-тадқиқот ва амалий фаолиятни уйғунлаштиришга қаратилган иш тизими, шунингдек, устувор фаолият йўналишлари ҳақида батафсил маълумот берилди.
Конструктив руҳда ўтган суҳбатда томонлар ўзаро ҳамкорликни янада мазмунли ва амалий йўналишларда ривожлантириш масалаларини муҳокама қилдилар. Хусусан, қўшма тадбирлар ва лойиҳаларни амалга ошириш, долзарб соҳаларда тажриба алмашинувини кенгайтириш истиқболлари кўриб чиқилди.
Учрашув доирасида Андриан Кринтя Академиянинг Рақамли криминалистика илмий-тадқиқот институти фаолияти, унинг замонавий имкониятлари ва рақамли криминалистика соҳасидаги илмий-амалий салоҳияти билан яқиндан танишди.
Музокаралар якунига кўра, томонлар ўзаро манфаатли йўналишларда амалий ҳамкорликни изчил кенгайтириш ва янги қўшма ташаббусларни рўёбга чиқаришдан манфаатдор эканликларини билдирдилар.