Қорақалпоғистон Республикаси ички ишлар органлари ходимлари учун давра суҳбати ташкил этилди

Ўзбекистон Республикаси Президентининг Тошкент шаҳар Олмазор туманига ташрифи чоғида берган топшириғига мувофиқ, Бош прокуратура Академияси томонидан жорий йилнинг 26 январь куни Нукус шаҳрида Қорақалпоғистон Республикаси ички ишлар органлари туман (шаҳар) тергов бўлинмалари бошлиқлари ва ходимлари учун давра суҳбати ташкил этилди.

Мазкур тадбир ички ишлар органлари туман (шаҳар) тергов тармоқ соҳасида мавжуд бўлган муаммолар ва камчиликларни аниқлаш ҳамда уларни бартараф қилиш бўйича тавсиялар бериш, хусусан, ички ишлар органлари туман (шаҳар) тергов бўлинмалари бошлиқлари иш фаолияти учун зарур бўлган билим, кўникма ва компетенцияларни янада такомиллаштиришга қаратилди.

Давра суҳбати давомида гиёҳвандлик моддалари ва уларни аналогларининг ноқонуний муомаласи, йўл-транспорт ҳодисалари билан боғлиқ жиноят ишлари тергови жараёнида юзага келаётган муаммолар ва уларни бартараф этиш йўлларига алоҳида урғу берилди.

Суҳбат якунида иштирокчилар ўзларини қизиқтирган бошқа саволларига ҳам батафсил жавоб олдилар.