Мажбурий ижро бюросининг ҳудудий бошқармаларида ўқув-семинар машғулотлари ташкил этилди

Бош прокуратура Академияси томонидан замонавий педагогик ва ахборот-коммуникация технологияларини амалиётга жорий қилиш орқали прокуратура органлари ходимларининг малакасини мунтазам равишда ошириб боришга қаратилган комплекс тадбирлар амалга оширилиб келинмоқда.  

Шу муносабат билан жорий йилнинг 23-25 январь кунлари Академиянинг профессор-ўқитувчилари томонидан Мажбурий ижро бюросининг Андижон, Фарғона ва Наманган вилоятлари ҳудудий бошқармаларида масофавий таълим асосида давлат инспекторларининг малакасини ошириш бўйича ўқув-семинар машғулотлари ташкил этилди.

Семинарлар давомида тингловчиларга ушбу таълим тизимининг имкониятлари ва афзалликлари тушунтирилди ҳамда фаолиятда тизимли равишда йўл қўйилаётган камчиликлар ва юзага келаётган муаммоларнинг таҳлил натижаларидан келиб чиқиб, тайёрланган ўқув курслари ҳақида маълумотлар берилди.

Тадбир якунида иштирокчилар томонидан берилган саволларга батафсил тушунтиришлар берилди.