Ўзбекистон Республикаси Ҳуқуқни муҳофаза қилиш академияси бакалавриатининг «Тергов фаолияти» йўналиши бўйича илк битирув маросими материаллари асосида якуний видеолойиҳа концепцияси ва сценарийсини ишлаб чиқиш учун мутахассисларни танловда иштирок этишга таклиф этади.
Бажариладиган ишлар:
ўтказилган маросимга оид мавжуд фото ва видеоматериалларни мазмунан ўрганиш, саралаш ва тизимлаштириш;
видеолойиҳанинг асосий ғояси, мақсади, мазмуний йўналиши ва бадиий ечимини белгилаш;
танланган материалларнинг мантиқий ва драматургик кетма-кетлигини ишлаб чиқиш;
маросимнинг мазмун-моҳияти ва аҳамиятини тўлиқ очиб берувчи якуний видеолойиҳа сценарийсини тайёрлаш;
кадрлар, нутқлар, титрлар, мусиқий безак ва овозли ечимлар бўйича аниқ тавсиялар ишлаб чиқиш;
Буюртмачининг таклиф ва мулоҳазалари асосида концепция ҳамда сценарийга тегишли тузатишлар киритиш.
Номзодга қўйиладиган талаблар:
оммавий, расмий ёки маданий тадбирлар учун концепция ва сценарийлар ишлаб чиқиш тажрибаси;
видеодраматургия ва сценарий тузилиши бўйича билим;
ўзбек тилида саводли ва таъсирчан матн тайёрлаш кўникмаси;
Бажариладиган иш муддати:
Мазкур иш муддати 3 (уч) кунни ташкил этади.
Тўлов миқдори:
Бажарилган иш учун тўлов миқдори тарафлар келишуви билан белгиланади ва талабгорга бажарилган иш натижасига кўра тўланади.
Талабгор Академия Кадрлар бўлимига фуқаролик паспорти ёки ID-картаси билан шахсан мурожаат қилиб, тегишли ҳужжатлар (шахсини тасдиқловчи ҳужжат, объективка, олий маълумот тўғрисидаги диплом ва унинг иловаси, меҳнат дафтарчаси нусхаси, СТИР маълумотномаси)ни тақдим этиши лозим. Тақдим этилган ҳужжатлар ўрганиб чиқилганидан сўнг, талабгор билан танлов комиссияси таркибида суҳбат ўтказилади.
Ҳужжатларни топшириш муддати: 2026 йил 31 июлга қадар
Телефон: (71) 202-04-96 (1947)