Қорақалпоқ давлат университети профессор-ўқитувчилари билан ҳамкорлик доирасида учрашув ўтказилди

Бош прокуратура билан Бердақ номидаги Қорақалпоқ давлат университети ўртасида тузилган ҳамкорлик тўғрисидаги меморандум асосида амалга оширилаётган ишлар доирасида Бош прокуратура Академияси билан университет раҳбарияти ва профессор-ўқитувчилари ўртасида учрашув бўлиб ўтди.

Учрашувда университет профессор-ўқитувчиларини Қорақалпоғистон Республикаси прокуратура органлари ходимларининг қонунлар ижроси устидан прокурор назоратини ташкил этиш, терговолди текшируви ва дастлабки тергов ҳаракатларини ўтказиш, судларда ишлар кўрилишида прокурор ваколатини таъминлаш ва прокурор фаолиятининг бошқа йўналишларида билим ва кўникмаларини янада оширишга қаратилган тадбирларга кенг жалб қилиш масаласи муҳокама қилинди.

Ушбу йўналишдаги ишларни юқори савияда ташкил этиш мақсадида, учрашув натижаларига кўра Бош прокуратура Академиясида Қорақалпоқ давлат университети профессор-ўқитувчилари учун қисқа муддатли ўқув курсларини ташкил этиш режалаштирилди.