Qoraqalpoq davlat universiteti professor-o'qituvchilari bilan hamkorlik doirasida uchrashuv o'tkazildi

Bosh prokuratura bilan Berdaq nomidagi Qoraqalpoq davlat universiteti o'rtasida tuzilgan hamkorlik to'g'risidagi memorandum asosida amalga oshirilayotgan ishlar doirasida Bosh prokuratura Akademiyasi bilan universitet rahbariyati va professor-o'qituvchilari o'rtasida uchrashuv bo'lib o'tdi.

Uchrashuvda universitet professor-o'qituvchilarini Qoraqalpog'iston Respublikasi prokuratura organlari xodimlarining qonunlar ijrosi ustidan prokuror nazoratini tashkil etish, tergovoldi tekshiruvi va dastlabki tergov harakatlarini o'tkazish, sudlarda ishlar ko'rilishida prokuror vakolatini ta'minlash va prokuror faoliyatining boshqa yo'nalishlarida bilim va ko'nikmalarini yanada oshirishga qaratilgan tadbirlarga keng jalb qilish masalasi muhokama qilindi.

Ushbu yo'nalishdagi ishlarni yuqori saviyada tashkil etish maqsadida, uchrashuv natijalariga ko'ra Bosh prokuratura Akademiyasida Qoraqalpoq davlat universiteti professor-o'qituvchilari uchun qisqa muddatli o'quv kurslarini tashkil etish rejalashtirildi.