Ҳуқуқни муҳофаза қилиш академиясида АҚШ Адлия вазирлиги ҳузуридаги Жиноятларни тергов қилиш бўйича ўқитиш ва техник ёрдам кўрсатиш халқаро дастури (ICITAP)нинг ҳуқуқни муҳофаза қилиш фаолияти масалалари бўйича атташеси С. Летик билан ишчи учрашув ўтказилди.
Учрашувда Академия ва ICITAP ҳамкорлиги доирасида амалга оширилган лойиҳалар натижалари муҳокама қилиниб, келгусидаги қўшма фаолиятнинг асосий йўналишлари юзасидан фикр алмашилди.
Хусусан, янги қўшма лойиҳаларни ишлаб чиқиш ва амалга ошириш, шунингдек, ҳуқуқни муҳофаза қилувчи органлар ходимлари салоҳиятини оширишга қаратилган ўқув дастурларини ташкил этиш масалалари кўриб чиқилди.
Учрашув якунида томонлар муҳокама қилинган йўналишлар бўйича аниқ вазифаларни белгилаб, ҳамкорликдаги ташаббусларни амалга оширишга доир навбатдаги қадамларни келишиб олдилар.