Вазирлар Маҳкамасининг 2023 йил 6 апрелдаги 143-сон қарорига 2-илова билан тасдиқланган Ўзбекистон Республикаси Ҳуқуқни муҳофаза қилиш академияси магистратурасига ўқишга қабул қилиш ва ўқитишни ташкил этиш тартиби тўғрисидаги низомнинг 37-бандига мувофиқ, танловда иштирок этувчи номзодлар ўтказиладиган имтиҳонлар учун базавий ҳисоблаш миқдорининг 50 фоизи миқдорида тўловни амалга ошириши лозим.
Тўловни амалга ошириш зарурлиги ҳақидаги SMS-хабар Билим ва малакаларни баҳолаш агентлиги томонидан номзодлар рўйхатдан ўтишда кўрсатган телефон рақамларига юборилган.
Тўлов учун инвойс номзоднинг шахсий кабинетига жойлаштирилган. Тўловни амалга оширишнинг сўнгги куни – 14 август (шу куни ҳам).
Номзодлардан шахсий кабинетига кириб, тўловни амалга ошириш сўралади.