2026 йил 21 август куни Ўзбекистон Республикаси Ҳуқуқни муҳофаза қилиш академияси магистратурасига 2026/2027 ўқув йили учун қабул доирасида қуйидаги мутахассисликлар ва номзодлар тоифалари бўйича имтиҳонлар ўтказилади:
· «Тергов фаолияти» – барча номзодлар учун: чет тилидан имтиҳон, психологик тест ва ёзма имтиҳон.
· «Прокурорлик фаолияти» – ички номзодлар учун: чет тилидан имтиҳон.
· «Прокурорлик фаолияти» (масофавий таълим шакли) – ички номзодлар ва ваколатли давлат органлари ходимлари учун: чет тилидан имтиҳон.
· «Коррупцияга қарши курашиш» – ички номзодлар учун: чет тилидан имтиҳон.
· «Инсон ҳуқуқларига оид халқаро ҳуқуқ» – ички номзодлар учун: чет тилидан имтиҳон.
· «Киберхавфсизликни ҳуқуқий таъминлаш» – ички номзодлар ва ваколатли давлат органлари ходимлари учун: чет тили ҳамда «Информатика ва ахборот технологиялари» фанларидан имтиҳон.
· «Киберхавфсизликни ҳуқуқий таъминлаш» (масофавий таълим шакли) – ички номзодлар ва ваколатли давлат органлари ходимлари учун: чет тили ҳамда «Информатика ва ахборот технологиялари» фанларидан имтиҳон.
· «Киберхавфсизликни ҳуқуқий таъминлаш» – рўйхатга киритилган ташқи номзодлар учун: «Информатика ва ахборот технологиялари» фанидан имтиҳон.
Барча мутахассисликлар бўйича имтиҳонлар 2026 йил 21 август куни соат 14:00 да Тошкент вилояти, Нурафшон шаҳри, Янгиобод кўчаси, 35-уйда жойлашган Билим ва малакаларни баҳолаш агентлигининг махсус биносида бошланади.
Номзодлардан кўрсатилган манзилга соат 12:00 дан кечикмай, шахсни тасдиқловчи ҳужжатнинг – паспорт ёки ID-картанинг – асли билан ҳозир бўлишлари сўралади.