Ҳуқуқни муҳофаза қилиш академиясида таниқли шоира ва журналист Фароғат Худойқулова билан маърифий учрашув ўтказилди. Мулоқот адабиёт ва шеъриятнинг инсон тафаккури ҳамда маънавий камолотидаги ўрнига бағишланди.
Фароғат Худойқулова лирик ва ватанпарварлик руҳидаги шеърлари, адабий ва ижтимоий соҳалардаги фаоллиги билан танилган. У Ўзбекистон Ёзувчилар уюшмаси ҳамда Дунё халқлари Ёзувчилар уюшмаси аъзоси.
Учрашувда шоира ўзининг ҳаёт ва ижод йўли, адабиёт ва шеърият соҳасидаги тажрибаси ҳақида сўзлаб берди. Ўз ижодидан шеърлар ўқиб, уларнинг мазмун-моҳияти юзасидан фикрларини билдирди.
Очиқ мулоқот давомида адабиёт, ижод, китобхонлик ва маънавий қадриятларга оид масалалар муҳокама қилинди. Муаллиф билан бевосита суҳбат иштирокчиларга шеърий асарларни теранроқ англаш, ижодкорнинг ҳаётий ва касбий тажрибаси билан яқиндан танишиш ҳамда бадиий адабиётга бўлган қизиқишларини янада ошириш имконини берди.