2026 йил 25 август куни Ўзбекистон Республикаси Ҳуқуқни муҳофаза қилиш академияси томонидан 2026/2027 ўқув йили учун бакалавриатнинг «60420100 – Юриспруденция» таълим йўналиши бўйича иккинчи ва ундан кейинги олий таълимга кириш тест синовлари ўтказилади.
Тест синовларида иштирок этиш учун базавий ҳисоблаш миқдорининг ярим баравари миқдорида тўловни амалга оширган талабгорлар рўйхати ва улар танлаган ҳудудлар тўғрисидаги маълумотлар 1-иловада келтирилган.
1-иловада кўрсатилган талабгорлар 2026 йил 25 август куни ўзлари танлаган ҳудуддаги тест синовлари ўтказиладиган манзилга паспорт ёки ID-карта билан қуйидаги вақтга қадар етиб келишлари лозим:
· Тошкент шаҳри – соат 14:00 га қадар;
· Қорақалпоғистон Республикаси ва бошқа ҳудудлар – соат 08:00 га қадар.
Талабгорлар белгиланган вақтдан кечикмасдан етиб келишлари шарт. Кечиккан талабгорлар тест синовларида иштирок этишга қўйилмайди.
Тест синовлари ўтказиладиган манзиллар 2-иловада келтирилган.