Академия бошлиғи ўринбосари А.С.Одинаев бошчилигидаги Ҳуқуқни муҳофаза қилиш академияси ходимлари Мустақил Давлатлар Ҳамдўстлигига аъзо давлатлар бош прокурорларининг Мувофиқлаштирувчи кенгаши (МДҲ БПМК) фаолиятида иштирок этувчи бош прокуратураларнинг илмий ва таълим муассасалари раҳбарларининг навбатдаги учрашувида иштирок этди.
Тадбирда илмий ҳамкорликни янада ривожлантириш, МДҲ БПМК Илмий-методик маркази фаолиятини такомиллаштириш, прокуратура фаолиятига сунъий интеллектни жорий этиш, шунингдек, кибержиноятчиликка қарши курашиш масалалари кўриб чиқилди.
Бундан ташқари, иштирокчилар МДҲ давлатларининг илмий ва таълим муассасалари ўртасидаги ҳамкорликни мустаҳкамлаш истиқболлари юзасидан фикр алмашиб, жиноятчиликка қарши курашиш, инсон ҳуқуқ ва эркинликларини ҳимоя қилиш масалалари бўйича қўшма тадқиқотлар ўтказиш, шунингдек, илмий-методик материаллар ва ахборот алмашинувининг аҳамиятини таъкидладилар.
Учрашув якунида иштирокчилар илм-фан ва таълим соҳасидаги ҳамкорликни янада давом эттиришга тайёр эканликларини билдирдилар.