Ўзбекистон Республикаси Ҳуқуқни муҳофаза қилиш академияси магистратурасига танлов жараёни ниҳоясига етди.
Хусусан, магистратуранинг “Прокурорлик фаолияти”, “Коррупцияга қарши курашиш”, “Инсон ҳуқуқларига оид халқаро ҳуқуқ” ва “Киберхавфсизликни ҳуқуқий таъминлаш” (ўзбек ва рус тилидаги гуруҳлар) мутахассисликлари бўйича таълимнинг кундузги, шунингдек “Прокурорлик фаолияти” ва “Киберхавфсизликни ҳуқуқий таъминлаш” мутахассисликлари бўйича таълимнинг масофавий ҳамда “Прокурорлик фаолияти” мутахассислиги бўйича кечки таълим шакллари учун танлов ўтказилди.
Танлов якунига кўра, энг юқори натижаларга эришган 84 нафар номзод таълимнинг кундузги шаклига, 65 нафар номзод таълимнинг масофавий шаклига ҳамда 14 нафар номзод таълимнинг кечки шакли бўйича Академия магистратураси тингловчилари сафига тавсия этилди.
Шунингдек, “Тергов фаолияти” мутахассислиги бўйича танловда иштирок этган 35 нафар номзод ўқишга тавсия этилди.
Номзодлар танлов натижаларини паспорт (ID-карта) рақами орқали қуйидаги рўйхатда танишишлари мумкин.
Эслатма: Имтиҳон синовларида иштирок этмаган номзодлар рўйхатда кўрсатилмаган.