Япония Адлия вазирлиги тадқиқот ва малака ошириш институти ва Япониянинг Нагоя университети вакиллари билан учрашув

2019 йил 4 февраль куни Бош прокуратура Академиясида Таро Моринага бошчилигида Япония Адлия вазирлиги тадқиқот ва малака ошириш институти вакиллари ва Япониянинг Нагоя университети профессори, ю.ф.д. Итихаши Кацуя иштирокида учрашув ўтказилди.

Учрашув давомида “Маъмурий тартиб-таомиллар тўғрисида” ги Қонуннинг ва Ўзбекистон Республикасининг Маъмурий суд ишларини юритиш тўғрисидаги кодекснинг имплементация қилиш ҳамда ҳуқуқбузарликлар профилактикаси тизимини такомиллаштириш масалалари бўйича ҳамкорликнинг истиқболлари муҳокама қилинди.

Учрашув якунида томонлар ҳуқуқбузарликларни олдини олиш ва маъмурий адлия механизмларини тадбиқ қилиш мавзуларида семинар-тренинглар ташкил қилиш ҳамда “Маъмурий тартиб-таомиллар тўғрисида”ги Қонунга илмий-амалий шарҳ тайёрлаб, унинг асосида электрон курсни ишлаб чиқиш масалалари юзасидан келишувга эришиб олишди.

Шу билан бирга, Япония делегацияси бошлиғи шу йилнинг 10-16 март кунлари маъмурий адлия тизимини такомиллаштириш масалалари бўйича ўтказиладиган семинарда қатнашиш ва ҳамкорлик йўналишларини муҳокама қилиш мақсадида Японияга ташриф буюришни таклиф қилиб, Академия раҳбариятига расмий таклифнома тақдим этди.